الحبة الحمراء أم الزرقاء؟
إلى أي عمق نحن متورطين وخاسرين في الحرب بين القراصنة مخترقي الحسابات ومصنعي البنى المخربة وبين الشريحة المستهدفة؟ هذه الحادثة ربما تسبر عمقاً ما.
– مرحبا رامي
– أهلين أبو حميد
– هلق شو كان اسمه هذا الفيلم الأجنبي اللي كلن بيلبسوا فيه نضارات سود وجواكيت سودا طويلة ؟
(استغربت السؤال فصاحبه ليس من هواة الميديا)
– Men in Black؟
– لا شغلة أقصر من هيك
– مممم .. ماتريكس؟
– أي تمام هي هيه ، شلون تهجايتا؟ (وأعطيته تهجئتها، بالوقت الذي ازداد فضولي فسألته)
– شو بدك تحضره ؟
– لا بس هذا السؤال السري لحساب البريد الالكتروني : ماهو فيلمك المفضل
– طيب ليش ما حطيت سؤال أنت بتعرف جوابه؟
– أي مو أنا اللي حطيته ، رفيقي اللي حطلي ياه .
(مابيعرف الجواب السري ، ومو هو حطه ، وعطاني ياه ، وبتقلولي ليش الحسابات بتنسرق؟)
فوضى مصطلحات
نعم، نحن في القرن الـ 21 وفي كبد ثورة الاتصالات ولازال هناك من لا يدرك الرابط العجيب بين Word و Office و Windows وماهية كل واحد من هذه الأقانيم، وكي لا أستخدم كلمات معجمية في جزئية عملي المتعلقة بالـ Help Desk مثل ماذكر أعلاه ألجأ إلى تبسيط العملية لدرجة تقارب توجيهي لابنتي ذات ال3 سنين وهي تعمل على كومبيوتري ، لكني وللأخيرة أكتفي بالقول : أغلقي هذه النافذة ، أما صديقنا:
لزمني الاتصال بكومبيوتر في مكتبنا بالبرامكة من مكتبي في إدارة الشركة فاتصلت بالموظف الذي سيعمل عليه وسألته:
– عامر كيفك، ياريت تسكرلي البرامج اللي فاتحها بدي فوت اتصال بعيد (أتجنب قول ريموت ديسكتوب) شغلة 5 دقايق على كومبيوترك
– طيب ثواني … يالله مشي الحال
قمت بتوليد الاتصال ، فيعود علي بالخطأ ، مرة .. مرتين .. ثلاث ، فأعدت الاتصال
– عامر طالع عندك شي عالشاشة؟
– لاء
– شو مبين بسطح المكتب؟
– ولاشي شاشة سودا؟ الكومبيوتر مطفي
– كيف انطفى (اشتبهت بمشكلة فيه)
– مو أنت قلتلي؟
مشكلة تقع بين لوحة المفاتيح والكرسي 6
مشكلة تقع بين لوحة المفاتيح والكرسي 5
مشكلة تقع بين لوحة المفاتيح والكرسي 4
مشكلة تقع بين لوحة المفاتيح والكرسي 3