مشكلة تقع بين لوحة المفاتيح والكرسي

يواجه مسؤولوا التقنية في كل بقاع الأرض  مشاكل تتراوح من بسيطة مكررة سهلة الحل  إلى تلك المعقدة العصية، منها ما يحمل معه  أموراً تغرقك في ساعات من الضحك وأخرى تفقدك أعصابك وصوابك.

بعد هذه الرحلة الطويلة مع صديقي الأول “الكومبيوتر” تبقى المشكلة التي لم أستطع حلها هي تلك التي تقبع بين لوحة المفاتيح وكرسي المكتب، ومن مذكراتي  في الدعم التقني اورد لكم تباعاً بعذاً مما مر فيها.

الأولى

(بعد  أن حجزت سيرفراً للبريد الرسمي في الشركة قمت بإلغاء حسابات بريدية لفروع الشركة في المحافظات على Gmail مقابل فتح حسابات بريدية لهم على عنوان الشركة وباستخدام برنامج outlook وكان هذا الحديث مع فرع حمص على الهاتف إثر التعديل الجديد)

حسام: مرحبا رامي
رامي: أهلين
حسام: رامي، عم تطلعلي مشكلة بالإيميل ما عم يستقبل ولا يرسل عم تطلع رسالة خطأ
رامي: شو الرسالة
حسام: مابعرف بالأجنبي
رامي : طيب نادي لمحمود يقرالك ياها
محمود: أيوا رامي
رامي : محمود قرالي الرسالة
محمود : كونيكشن تو ذا سيرفر هاز فيلد
رامي : طيب أنتو متصلين على آية ولا 190
محمود : كيف يعني
رامي : 190 ولا 198111
محمود : نحنا مانا متصلين هلق ، عم نحكي معك من الخط المخصص للانترنت والفاكس
رامي : طيب لما كنتوا عم تحاولوا كنتوا فايتين على أي خط
محمود : دقيقة لأسأل حسام ، حسام على أي خط نحنا كنا فايتين
حسام (من بعيد): آآآآه ، نسيت ، كنت مفكر بس بريد ال gmail بده اتصال بالانترنت
رامي :

Advertisements

الأوسمة: , ,

18 تعليق to “مشكلة تقع بين لوحة المفاتيح والكرسي”

  1. salam Says:

    🙂 يعني شو سيقول الواحد !!

  2. uramium Says:

    لاشيء، إن كنت قد فكرت بالعمل بمجال الصيانة أو الدعم التقني ، عليك بشراء جهاز قياس ضغط الدم، أستطيع نصحك بواحد ممتاز أجنبي

  3. حسام الاخرس Says:

    إن كنت تفكر بالعمل بمجال الصيانة أو الدعم التقني فعليك ان تفكر كيف سيفكر الزبون في حال انه لاسمح الله فكر؟
    صحيح ولا انا غلطان؟

  4. uramium Says:

    تماماً، هذا التساؤل يغزو كل فترة تصميمي لبرنامج ما يخص العمل، خاصة إن كنت أدرك تماماً الموظف الذي سيقوم باستثماره.
    تحياتي

  5. mn zaman Says:

    🙂 كتير منيح ما صرلك شي
    الحمد الله على سلامتك

  6. uramium Says:

    موظفي الدعم ، يمرون بمشاكل عديدة جراء طبيعة عملهم، تبدأ بالأرق ، ثم بصداع غير محدد السبب ، وبعد فترة تظهر أعراض فصام شخصية ورهاب الهاتف، ومن ثم تجدهم يتحدثون لأنفسهم ، وفي النهاية إن وجدت شخصاً رث الثياب وأشعث في الشارع يركض وهو يصرخ ضاحكاً تارة ، وباكياً تارة أخرى ، اعلم أن له تاريخاً في هذه المصلحة

  7. ملخص تدوينات آذار « uramiumian thoughts Says:

    […] مشكلة تقع بين لوحة المفاتيح والكرسي 1 : الجزء الأول من سلسلة كوابيس التقنية التي وقعت فيها ضحية لمشكلة تتواجد بين لوحة المفاتيح والكرسي […]

  8. عطاالله Says:

    خخخخخخخخخخ ….. أشم رائحة دخان الغضب يتصاعد هنا …. التقنية عندنا في سوريا بنعيم 🙂

  9. Moaz Says:

    ههههههههههه .. ﻷ عطاالله .. ريحة الدخان ﻷنو الموظف اللي كان عم يحكي مع رامي شغل مخه شوي فبلش يحرق …. لك يحرء حريشه ……

    مشتهي تصير معي هيك مواقف … 🙂 🙂

  10. beshr094 Says:

    يا رجل حرام عليك فضحت الزلمة 😀

    • uramium Says:

      أغلب الذين أكتب عنهم أعلمهم بأني سأكتب عنهم، والبعض يسبقني إلى عبارة “مابدي شوفها بكرة بمشكلة تقع بين لوحة المفاتيح والكرسي”

      أهلاً بك بشر

  11. hbsqn Says:

    هههههههههههههه, ذكرتني باللي بده يتدفى ع الصوبية ولما عجز قام شغلها

  12. مشكلة تقع بين لوحة المفاتيح والكرسي 6 لا تجلس على كرسيي « uramiumian thoughts Says:

    […] – مشكلة تقع بين لوحة المفاتيح والكرسي 1 : Gmail أوفلاين في ح… […]

  13. مشكلة تقع بين لوحة المفاتيح والكرسي 7 « uramiumian thoughts Says:

    […] مشكلة تقع بين لوحة المفاتيح والكرسي […]

  14. noosh Says:

    والله ضحكتني

    من قلبي

    روق وطول بالك ولا يرتفع ضغطك

    رفيقتي قالتلي ابعتيلي ايميلات

    منيح بتعرف انو في شي اسمو ايميلات

    قلتلا لوين ؟

    قالت على الانتر نت

    قلتلا طيب بس شو عنوان ايميلك ؟

    قال ما بعرف ؟

    قلتلا عندك ايميل ؟

    قال شو يعني ايميل ؟

    فهمتا معنى ايميل ؟
    قال يعني لازم واحد يكون عندو ايميل ؟؟

    بقى لا يرتفع ضغطك

    بنصحك تعتزل هالشغلة بمجتمعنا

    كم سنة بس لبيت ما يتطوروا شوي

    حلوة كثير مع اني قرأتا من قبل

    بس كل ما قرأتا بضحك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: