مشكلة تقع بين لوحة المفاتيح والكرسي 5 فتنة وأشياء أخرى

– "مرحبا أستاذ"
– "أهلين"
– "في عندي مشكلة ، وهي أنو دولاب الفارة عم يزقزق"
– "يعني لما عم تدوره عم يطلعوا البفلات صوت؟"
– "لا أبداً، الدولاب عم يزقزق منه هو نفسه كأنه في إحتكاك بالفارة، حتى لو الحاسب مطفي"
– "خلي فنيي الصيانة يزيتوه"

وفي حادثة أخرى

– "أستاذ كيفك؟ جايب معي جهاز فحص الضغط تبع أمي ، ما عم أعرف أشتغل عليه"
– "صدّق مالي شايف منه بحياتي، بس يالله تعال"
– "هو أنا قلت أنه هو صاير كومبيوتر، فممكن تساعدنا بهالشغلة"

أما أكثرها غرابة:

منذ فترة سنتين اشترت الشركة طابعة ليزرية (Canon) لأمين الصندوق وبعد أن فرغت من تركيبها وتوصيلها وخلافه عدت لمكتبي وإذا به يتصل بي:
– "رامي تفضل شوي، في مشكلة بالطابعة"
بصراحة جزمت أن المشكلة منه لأني جربتها قبل المغادرة، المهم ذهبت إليه:
– "خير؟"
– "لما بعطي أمر طباعة بيطلع صوت حرمة، فينك تشيله أو تغيره؟"*
– "ليش؟!!!"
– "صوت المرأة فيه فتنة"

—————————-

* الصوت يقول Printing started و Printing complete

مواضيع ذات صلة

مشكلة تقع بين لوحة المفاتيح والكرسي 4

مشكلة تقع بين لوحة المفاتيح والكرسي 3

مشكلة تقع بين لوحة المفاتيح والكرسي 2

مشكلة تقع بين لوحة المفاتيح والكرسي

الأوسمة: ,

33 تعليق to “مشكلة تقع بين لوحة المفاتيح والكرسي 5 فتنة وأشياء أخرى”

  1. محمد صالح كيالي Says:

    هي آخر وحدة عنجد شغلة … أنا أكتر شي مر علي …

    الأول : اشترينا كمبيوتر ..

    التاني : بالله العظيم؟

    الأول : إيه والله .. وهللأ المهندس عم يولفلنا عليه ألعاب…

  2. Moaz Says:

    رهيييبة … لك ما عم صدق أنو ممكن يصير هيك …. لك شو موديل العالم يلي عايش معهن!!!

    شلون بتزبط معك أنك توقع بكل هالمواقف!

  3. salam Says:

    يا عفو الرب هالعالم كيف بفكروا !

  4. ناسداك Says:

    عندي بالمكتب نفس هالطابعة ونفس الصوت

    منيح ما سمعها لما بتقول مافي ورق ^_^

    مواقف طريفة و لوحة المفاتيح لن تتافهم مع الكرسي

  5. SyrianGavroche Says:

    حلقات رائعة جداً.. مواقف ظريفة و جميلة

    تحية🙂

  6. Fitneh Says:

    bgad ktir helweeeee… ktiiiiiiiiiiiiiiiiiiiiiiiirrr!!!!

  7. طباشير Says:

    كنت متابعه الحلقات معك بس هي الحلقة بالذات و المشهد الأخير تحديدا ً … هههههه .. رهيب حقا ً ..

    الله يحمل معك ..

  8. قلب العقرب Says:

    هه كثير ظريف ومضحك هالمواقف الله يعينك مع هيك ناس

  9. رجل من ورق Says:

    ظراف هالناس

    • uramium Says:

      فتنة: أهلاً بك

      طباشير: نورت المدونة ، تركنا هذا الشاب بعد فترة من الحادثة ولم ا‘د أعرف عنه شيئاً، أخبرني البعض أنه يعمل محاسب طيار لمجموعة من التجار في السوق.

      قلب العقرب: شعبنا تعود على “التجربة” سبيلاً للتعلم، لا حاجة للتعلم بالطريقة الأكاديمية، وهذا ما يوقعنا بمثل هذه المطبات.

      رجل من ورق:
      كثير والله .. هو عم يحكي عن طيبة قلب ، المؤسف أنه عمره يادوب 21 سنة لسه قدامه عمر طويل .. تخيل يمشي بالشارع بهي العقلية ، يا بيجن .. يا بيجن

  10. afkarnow Says:

    بيجي يوم وتعمل الكومبيوترات ثورة علينا …
    وهيك رح ترمينا ورا الباب … متل الصيصان ..

  11. mmadhoun Says:

    . .
    صراحة نعيب أنفسنا عندما نعلق على مثل هذه المواقف بتعليق . .
    ولكن فعلا عرب . .

    يعني عند أخوية محل كمبيوتر ,,
    بيجي واحد حامل الشاش وبيقلك لو سمحت يا أستاذ شوفلي المسنجر مش راضي يشتغل . .

    وفي كتير مواقف . . .

  12. وفاء Says:

    اكتشفت بأن ليس صوت المرأة فقط فيه فتنة بل الرجل أيضاً وذلك لدى إقامتي لفترة في إحدى دول الخليج . ذعرت عندما سمعت لأول مرة صوت مؤذن الجامع، لم أسمع صوتاً بذلك القبح كان صوتاً أبعد مايكون عن الدعوة للصلاة وكل المؤذنين كانوا على تلك الشاكلة. استغربت الأمر وعند سؤالي عن السبب قيل لي بأنه كان هناك مؤذن صوته جميل ففتنت النساء بصوته فاضطروا لطرده وتغييره بهؤلاء.

  13. Fadi Hallisso Says:

    لأ الموقف الأخير خلاني أقلب على ضهري من الضحك

  14. 145 Says:

    مرحبا رامي

    انا عندي مشكلة عم توقع بين الكيبورد و الكيس

    ما عم استطيع اغلاق الكمبيوتر و لا اعادة اقلاعو لانه لا يستجيب و عند اقلاعو من كبسة البور عم تطلعلي هي الرسالة اكتر من عشر مرات لحتى يظهر سطح المكتب :

    و أيضاً تم تعطيل البلوتوث بالجهاز و بتطلع هي النافذة :

    أرجو المساعدة رامي😦

  15. 145 Says:

    نسيت أن أذكر انه حتى استعادة النظام لا يستجيب

  16. uramium Says:

    سأتحدث إليك حول المشكلة عبر البريد ، هذا أفضل يرجى تزويدي بعنوان بريد صالح

  17. 145 Says:

    هذا أفضل😀

  18. Feras Says:

    هههههههههههههههههههه
    أعانك الله سيد رامي

  19. مشكلة تقع بين لوحة المفاتيح والكرسي 7 « uramiumian thoughts Says:

    […] مشكلة تقع بين لوحة المفاتيح والكرسي 5 […]

  20. فارس Says:

    يييييييي
    هلق موضوع الفنتة .. هذا جديد… يعني زودوها ما.. شو خايف على حالو هذا الزلمة تطبقو يعني

    أحلى شي بكرة بتشوفو بالمطعم هو والطابعة .. وعبطعميها
    بيجي الكرسون لعندو بقلو شو بدك تاكل
    بقلو جبلي تونرين سود وواحد أحمر من شان عيد الحب
    وليييييييييييييييييييييييييييييي

    بس بالنسبة لجهاز الضغظ .. هي مو غريبة لإنو صفيانه وجهة نظر الشركة بيلي بيشتغل بالكمبيوتر إنو هو الشخص يلي بيعرف بكل شي
    في شركة من الشركات يلي بتعامل معها .. موظف الأي تي هو بصلح المقسم و مولدة الكهرباء والكهربا نفسها
    يعني عاملينو MultiFunction

  21. uramium Says:

    هو ما عاد ناقص غير تمديد الكهربا ونجارة الباطون
    أهلاً بك

  22. noosh Says:

    يعطيك العافية

    ضحكتني

    ليش وقفت عن متابعة هذه السلسلة

    خلصت الغرائي اللي عم تقابلا ؟

    مو معقول

  23. noosh Says:

    يعطيك العافية

    ضحكتني

    ليش وقفت عن متابعة هذه السلسلة

    خلصت الغرائب اللي عم تقابلا ؟

    مو معقول

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: