اشتباك سيريتل

تذكرني هذه الأيام بأيام شبكة الهاتف الأرضي في الثمانينات عندما كنت تجد مكالمتك وقد انتهت في مكان غير الذي قصدته، لاأدري حجم المشكلة بالشبكة بالضبط لكني أعرف أنها بدأت منذ خمسة أيام حيث يسمع من أتصل به صوت شخص غير الذي اتصل به مما يضطرني لإعادة الاتصال.

والطريف بالأمر أني عندما قررت الاتصال لتسجيل اعتراض _وأنا مقتنع بقيام الكثيرين بهذا قبلي_ حصل ذات الأمر باتصالي بالـ Call Center حيث لم يسمعني موظف الدعم الفني حتى أعدت الاتصال.

بالإضافة لتسجيلي للعطل طالبت الموظف بتسجيل الحاجة إلى تقديم تتعويض المشتركين بشبكة سيريتل بشكل تراه الشركة مناسباً بعد انتهاء المشكلة والتي لم يعطيني موظفي الدعم حداً اقصى لانتهائها.

بانتظار الحل ، سيبقى علينا الاتصال مرتين في كل مرة نكلم فيها أحدهم.

الأوسمة: , ,

23 تعليق to “اشتباك سيريتل”

  1. ناسداك Says:

    بتوقع قصدك ع نفس المشكلة اللي عم يسموها المكالمة الصامتة وهي ان احد الطرفين ما بيسمع الاخر و هي بتصير بالشبكتين وليس حكرا على سيريتل ، تطبيقا لسياسة العروض ^_^

  2. دعدوشة Says:

    لا ناسداك الي عم يحكي رامي عنو شغلة تانية
    وهو انك بتتصل بحدا بيقوم بيرد عليك حدا تاني .. والي عم تتصل عليه بيستلم مكالمة تانية
    هالمشكلة تواجدت من اربع شهور بس توقعت لقولها حل .. نيتي حسنة نسيت انو انا بسوريا
    كل مشكلة الها حل الا بسوريا

  3. طباشير Says:

    أنا بقترح تشتري خطين و تصير تتصل من واحد عالتاني و من التاني عا لأوّل و تجرّب تحكي مع حالك تشوف مين برد عليك !!

    سيرتيل و بيت الأشباح هاها

    تحياتي

  4. علوش Says:

    كأني صاير بالشام بس، لأنو بحلب متل ما قال ناسداك نحن متطورين أكتر منكن، نحن منتصل 3 مرات وما بيطلع صوت، صمت مطبق، بتعيد تشغيل الجهاز وبتفك البطارية كل فكرك انو من جهازك وآخ رشي بتضطر تبعت رسالة للشخص حتى ما يفكر انك سبحتو.

    • uramium Says:

      هلق السيناريو الجديد أنني أحتاج لطلب الرقم 6 إلى 10 مرات حتى يعلق، يعني نفس قصص شركة الهاتف الأرضي قبل 20 سنة تماماً

  5. Ahmad . M . G Says:

    lماصارت هالمشكلة معي
    بس مابتوقع انها رح تنحل
    وبعدين بدك تعويض تعويضضض🙂 انت متأكد من هالشي

  6. سيدة الزرقة Says:

    عوضك على الله..

    اتصلوا اتصلوا مرتين وتلاتة وعشرة..هيدي المكالمات المجهولة واللي بيرد عليكون فيها أشخاص مدري من أي كوكب غير مأجورة..

    ودٌّ

  7. وفاء Says:

    عزيزي المشترك نعتذر عن الخطأ كان القصد شبك الانترنت فحدث التباس، يبدو أن الموظف أحول بدل أن يشبك الانترنت شبك خطوط الجوال.
    معليش بدك تطول بالك أخ رامي شو وقفت على شوية شبك القصة.

  8. Stig Says:

    المشكلة انو شبكة سيرياتل مدري شبها يوم الاربعا الماضي اختفت التغطية من سيرياتل بظروف غامضة هي رجعت اي بس ما حلوة يعني شركة و عاملينلي حالن شغلة كبيرة و يصير هيك!!

    • uramium Says:

      اترحت على موظف الـ call center أن يتم تحديد المكالمات التي استغرقت أقل من 15 ثانية واسقاطها من الفواتير في فترة العطل ، مع تأكدي أنهم لن يعملوا به لكن على الأقل محاولة

      شكراً لكم : ناسداك ، دعدوشة، طباشير ، علوش ،أحمد ، سيدة الزرقة، وفاء و Stig على مساهمتك .
      تحياتي لكم

  9. Yasser S Says:

    طيب شو صار بمسألة التعامل بأجزاء الدقيقة عند حساب كلفة المكالمة الجماعة نايمين عالسيرة هنن و تبع الإم طز إن

  10. mn zaman Says:

    يا أخي لا تفهمهم غلط … هنن عملوا هالشغلة قصداً من شان
    يزيدوا التعارف والتآلف بين أبناء المجتمع الواحد وبدك تشوف كام صفقة
    صارت وكام حالة حب مشي حالها من ورا هالعملة الرائعة من سيرتيل

    سيرتيل عبّر … سيرياتيل دائماً معك … للأسف دائماً معك🙂

    دمت بخير رامي🙂

  11. نسمات الشام Says:

    ييا سيدي الام تي ان مو افضل من سيرياتيل فلا تزعل رغم انو الحق معك مية بالمية , واذا كانوا ردوعليك بعدين بخدمة الزبائن فشركة ام تي ان مقصرة وبتضل ساعات وانت عم تنتظر الفرج لحدا يتكرم علينا ويرد
    شو بدنا نعمل هاد الموجود

  12. uramium Says:

    من زمان ، حتى بهذا لا تنجح خطتهم ، فالمكالمة تنتهي بسباب وشتائم للشركة ولوضع خطوطها
    تحيتي لك

    نسمات الشام، صحيح شو بدنا نعمل .. هذا “المفروض” أهلاً بك

  13. lama Says:

    أنا غيرت رقمي من أريبا لسريتل عأساس أحسن بس يا حسرة عم يضحكو عالمشتركين أنا بتوقع أنو الموظفين بسيرتل حاملين خط أريبا لأن سيريتل بالمرة والموظفين نتصل ع 222 ساعتين ليردو إذا ردوا لا الواحد يحمل اللاسلكي اللي بالبيت أحسن حسنوها أنتو عمتخسروا ناس كتير

  14. هيثم Says:

    هههههههههههه خلوهاع الله

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: