سيريتل .. حرصاً على مصلحتك

“عزيزي مشترك خدمة SURF من سيريتل ، حرصاً منا على تقديم الخدمة الأفضل سيتم فصل الاتصال بالانترنت خلال 30 دقيقة إن ظل خاملاً لهذه المدة”

نص الرسالة يشبه هذا الذي في الأعلى ومفاده أن الاتصالالخامل بالانترنت لمدة تصل إلى 30 دقيقة سيتم فصله، هذا الكلام جميل، لكن هل هذا فعلاً كما يقولون؟ أقصد حرصاً على مصلحتنا؟

الأمر بصراحة هو على الشكل التالي:

إما : سيرفرات سيريتل لا تحتمل العدد الكبير للاتصالات المنشأة معها الكبير لذلك من الأفضل فصل الاتصالات الخاملة.

أو: الآلية المسؤولة عن تحديث الـ Status الخاصة بالاتصالات المنشأة مع السيرفرات لا تعمل بشكل جيد مما يجعل السيرفرات تغرق باتصالات وهمية idle معها مما يؤدي لبطء في عملها.

بصراحة هذه سيناريوهات مفترضة قد أقبلها أكثر من “حرصاً على مصلحتك” ، من أيمت مصلحتي بتهمكم؟

إن كانت كذلك لم تقوموا بإصلاح الـ SMTP Server لديكم؟ ما يزعجني حقاً حيال الأمر أنني عندما أسأل موظف الدعم ، هل أصلح Server الـ SMTP يكون الجواب:

– “لا”

– “هل هناك موعد نهائي للعطل ، موعد مفترض؟”

– “لا”

– “هل هناك نية لإصلاح العطل في القريب طيب؟”

– “لا”

لو كنا ببلد غير هذا البلد ، لأجبر مدير الـ IT في سيريتل على الاستقالة.. بس في حدا بيستقيل؟

Advertisements

الأوسمة: ,

20 تعليق to “سيريتل .. حرصاً على مصلحتك”

  1. فراس Says:

    ههههههههه 🙂
    سيريتل ,, دائماً نصب 🙂
    لا جديد , يظنون أنفسهم أذكياء عندما يطلقون شعارات كهذه ! و لكنهم يخدعون أنفسهم فقط ! و يقولون لماذا لايدعم المستخدم السوري بلده ؟

  2. سيدة ُ الزُرقة Says:

    قلتلي حرصا ً على مصلحتكم؟؟

    شي غريب ينكتب هيك شي!!

  3. عطاالله Says:

    معك حق علارة حرصا على مصلحتكم مستفزة جدا …. ومين قالكم يا أكاره أنو مصلحتنا بقطع الاتصال عند نصف ساعة خمول … طيب بركدن يا فهايم في حدن من المشتركين مشترك بخدمة بتعطيه تحديث لمعلومات معينة كل ساعة مثلاً ؟؟؟؟
    طغمة من اللصوص سارقي الثواني هم ……
    وبالنسبة لSMTP Server على الغالب مدير الاي تي مالوا علاقة بالقصة ……
    سلامي لك

  4. مجنون Says:

    دار بيني وبين شاب مهذب من سيرياتل يوم الجمعة الحوار التالي عبر مكالمة على 111 :

    – صباح الخير معك فلان من سيرياتل كيف فيي ساعدك ” تقال بسرعة رهيبة كونها مكررة وفارغة ” .
    – صباح الخير .
    – صباح النور تفضل .
    – عندي مشكلة بالـ 3G أنو عم يقلب بروتوكول الاتصال بين UMTS و HSDPA ولما بيكون الاتصال عالأخيرة ما عم اقدر افتح نت ، شو المشكلة بالضبط .
    – لحظة لأسال القسم المختص لو سمحت ” وبعد دقيقتين ” اي طبيعي يصير هيك . في بروتوكولين للاتصالات وبيجوز البرج اللي عم يبث البروتوكول التاني في حالة صيانة ما بيطول انشالله

    حسيت انو قصة هالبروتوكولات بتشبه قصة : ” الريسيفر تبعك بده برمجة !! لازم برمجلك ياه ”
    طبعاً البرمجة العظيمة هي عبارة عن توليف جديد بكبسة زر .

    سيرياتل بيهما مصلحتك لدرجة انها بتقطع عنك النت مشان ما تصرف كتير بايتات ..
    بيخافو عليك الجماعة .. خصوصاً يوم الجمعة كونك قاعد بالبيت غالباً وحابب تقرأ شي عالنت .

    كانت باطلة ومحولة .

  5. مجنون Says:

    نسيت شغلة مهمة :
    – فيي ساعدك بشي تاني أستاذ ؟؟

    ليش حضرتك ساعدتني بشي أولاني لتساعدني بشي تاني ؟؟؟

  6. مستر بلوند Says:

    في حدا بيستقيل يا رجل .. الله يسامحك ..
    شايف شو هي مضار الإشتراكية .. شايف ليه بحب الرأسمالية والتنافس والسوق الحرة لأبعد حد ..
    هلأ لو كان عنا شركة موبايل وحدة “خاصة” أو مثلاً شركة خارجية .. “هل تستطيع سيرتيل أن تترك أعطالها بدون تصليح ؟”
    – “لا”

  7. حسام Says:

    الدليل على خوفهم على مصلحتنا هو رفع الأسعار (بدلاً من تخفضيها)
    إذا بتتذكر من فترة كنت عم قول لو المواطن السوري بيعرف كيف الشركات البروفيشينال بتتعامل كان نصف الشركات السورية سكّرت بسبب فظاظة موظفينها.

  8. Nabil Says:

    اوافقك على هذه السيناريوهات واظن ان السناريو الافضل هو فصل النت لعدم استخدام بايتات اي(وقت اون لاين بدون عائد مادي لسيرياتل) و اغلبنا عندما اشترك في هذه الخدمه لارسال و استقبال الايميلات و عند انتهاء الفترة التجريبية و بدأ نظام الفوترة تراجعت الخدمه بنسبة 70 % ولم يعد بالامكان استخدام الاتصال للايميلات.

    فتأمل يارعاك الله !!!!!!!!!!!!!!!!

  9. uramium Says:

    فراس : لعبتهم أصبحت مكشوفة ، تحياتي

    سيدة الزرقة : مشان نوافق بسعادة ، ضرورية هذه الجملة أهلاً بك

    عطا الله: حكيت مع سيريتل والجمعية (شركاء مشكلة الـ SMTP) كل واحد يرميها على الثاني، انحلت بأني نقلت كل بريد الشركة على IMAP

    مجنون: بالمرحلة التجريبية اتصلت فيهم ، وقلتلهم في عندي مشكلة بالـ EDGE (هذا شغلة بتشبه الـ HSDPA بس أقل سرعة كات مفعلة بالفترة التجريبية) قالتلي نحنا ما بنبث عالـ Edge قلتلها بس أنا عم أستخدمه عادي، قالت مستحيل ، قلتلها يا آنسة ماعندي طرق للدخول للانترنت غير فلاشتكم وعم فوت على مواقع .. ردت : نحنا مو مفعلين هي الخدمة ، وضلت مصرة .. طبعاً بالأخير “فيني ساعدك بشي تاني؟” هلا بك

    مستر بلوند : بدك تشتغل على كيفهم ، قضاءنا وقدرنا.. تحياتي صديقي

    حسام: أي والله .. بتعرف ؟ منيح اللي الحساب عالترافيك وإلا كانوا جلطوا نص هالشعب.. تخيل لو أنو السيرفر ما بياخد إعلام من المودم أنو انفصل.. بتكون أنت فتت شي 5 دقايق بيتمرك عليك ساعة 🙂 تحياتي

    نبيل: كلامك صحيح ، نظريتك هي الأقرب للحقيقة

  10. sami Says:

    أنا كنت مهندس اتصالات في شركة سيريتل والأن أعمل في الخليج واكبت عملية إطلاق الجيل الثالث وللأمانة أقول لم ترا عيني أغشم من طاقم عمل سيريتل وإدارة سيريتل يعني لو بيحطوهون بمحل انترنت بيكون منيح …أما النصب حدث ولا حرج على أبو جنب وبجميع الأشكال….وبصراحة ام تي ان محترفين أكثر ….كل ما بتساوي ام تي ان شغلة بتلحقها سيريتل على مستوى الإدارة والأقسام …..

  11. محمدالهرباوي Says:

    ارجو ترخيص المكلمات والرسائل مثل مصر

  12. Sale7 Says:

    لما قريت هالعبارة ” حرصاً منا على تقديم الخدمة الأفضل ”
    حسيت الدمعة رح تكرج من عيني و حسيت قديش نحنا معقدين و مريضين نفسياً لأنو ما عم نسدءون 😀
    أكتر شي بيقهر هو سياسة الاستغباء بدون ينصبوا علينا و فوق منها يستغبونا كمان

  13. uramium Says:

    سامي : لا يظهر للجمهور من سيريتل سوى سوء تطبيقها لخدماتها ، وهذا أمر لمسناه منذ أول ظهورها، ما تقوله ليس مستبعداً.
    أهلاً بك

    محمد الهرباوي:
    في مصر توجد منافسة تسحب الأسعار للأسفل، هنا الأمر مختلف.
    أشكر مرورك

    صالح :
    نتفاءل بدخول زين إلى المعادلة ، ستتبع هذه الشركة قانون مؤسسة الاتصالات بالنهاية وستكون أسعارها كما يخطط لها
    شكراً لمرورك

  14. ملخص تدوينات أيار « uramiumian thoughts Says:

    […] سيريتل .. حرصاً على مصلحتك […]

  15. عمار Says:

    انا مشترك بخدمة الجيل التالت والحمد لله بشريحة الطلاب من شركة سيرياتل بيوم من الايام وانا عم اتفقد حجم التراسل طلع عند 2450 مغبا بايت وانا باقتي بس 1 غيغا وكل شي فوقها بيحسب بليرتين على الميغا انا اصبت بزهول وماعاد طلع صوتي لانو قبل ساعتين كان 768 ميغا فقط لاغير
    وعندي البرنامج المرفق مع المودم فيه عداد لمستوى تبادل المعطبيات وهو اقل من قريب على الرقم 768 قلت اتصل بال 111 طلع موظف قتلو هيك هيك القصة قال لا مابصير مستحيل وانت عامل اعادة تحديد للبرنامج اللي عندك قتلو لا قال العداد عنا صحيح بس الحالتين رح سجلك شكوى وعالوعد ياكمون قتلو نا طالب وعندي شغل ضروري على النت بي حل قال روح على المقهى فلهوي الاخ يعني دغري عندو حل اذا بدي روح على المقهى ليش لاشترك عندكم بس من فيدكم
    لا والله المهم بلا طول سيرة اتصلنا مرة تانية طلعت وحدة صوتها ناعم شرحنالها القصة قال المشكلة من عنا وفيك ماتعتبر هذا الرقم رقم نهائي لانو عنا صيانة بالنظام وسكرنا الخط وانا مرتاح بس بالاخر دفعنا الفاتورة ونحنا عم نضحك ونلعب بعد خناقا بالمركو بشارع بغداد

    بالفعل سيرياتل دائما معك …… لا دائما عليك بكل وزنها وثقلها
    الله لا يسامحهم على كل ليرو عم يظلمونها فيها

    • uramium Says:

      استخدم هذه الميزة منذ أكثر من سنة ولم يحدث معي هذا، يمكنك الاعتماد على مؤشر الاتصال الذي يقدمه windows لحجم التراسل الفعلي.

      عليك الاعتماد على نشاطك على الانترنت في تقييم حجم استخدامك له.

      أحد الأصدقاء ممن يملكون خدمة 3G يعتقد بذات الأمر الذي تقوله من خلل في حساباتهم لكن أراها خللاً في طريقة قراءة البرنامج المخصص لإدارة الاتصال لحجم التراسل، وليس خللاً في احتساب حجم التراسل

  16. fofo Says:

    ما المشكله انو يا ريت لو نص ساعه ما في دقيقه وبيفصل النت على الموبايل..
    يا ريت يشوفولنا حل بلا ابر البنج هي ..

  17. مشترك 3g Says:

    أحسن شي مراقبة حجم التبادل على مؤشر الاتصال الذي يظهر في ناحية الاعلام في شريط المهام متل ما قال uramium و رغم ذلك سجلوا بنهاية كل اتصال قديش صرفتوا لأني رغم المراقبة حاسس في زيادة بالأرقام اللي بيحسبها الموقع

  18. مشترك 3g Says:

    معقولي يكون في طريقة لاستعمال حساب شي مشترك “يعني سرقة” ؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: