سانا وناسا

الجد: أيييه ياجدي، وين البرامكة ووين صارت .. ماكان فيها على أيام شبابي لا هذا الكراج ولا وكالة ناسا
الحفيد: جدي اسمها سانا
الجد: ناسا .. سانا، كله مثل بعضه.
الحفيد : لا جدي ناسا وكالة مو عنا ومختصة بالاختراعات
الجد : أي وسانا مختصة بالاختراعات..
الحفيد : لا لا مافهمت عليي .. كيف بدي قربها ، هي ناسا بتطلق صواريخ بالسما ، وبتديرها وبتوجهها عن بعد
الجد: أي يا ابني، وسانا بتدير وبتوجه عن بعد .. عندهم كل صاروخ ، ما في مثله ولا بيخطر ببال حدا
الحفيد (طيب شلون بدي وصله ياها): جدي وكالة ناسا وكالة بعالم ثاني.. بأمريكا
الجد: أيييه فهمت عليك ، وسانا بعالم ثاني كمان ، كأنهم بالمريخ
الحفيد : ياجدي، هي ناسا في عندهم مكوكات فضائية..
الجد: يا ابني ، سانا كمان بياخدوك وبيجيبوك مثل مكوك الحايك
الحفيد: جدي هدول ناسا بيحاولو يكتشفوا كل ما هو جديد وما بنعرف عنه شي
الجد: أي وسانا بيحاولو بس ما عم يطلع بأيدهم ..
الحفيد (مازحاً): جدي .. والله اللي بيسمعك ليتضحك علينا
الجد: أييه يا ابني ، عم يتضحكوا علينا بدون ما يسمعوا .. شفلي هذا الباص مو هو تبع جديدة عرطوز؟.
الحفيد : أي هو … خلينا نلحقه

Bookmark and Share

Advertisements

الأوسمة: ,

4 تعليقات to “سانا وناسا”

  1. Yasser S Says:

    تدوينة رائعة أخي رامي و المشكلة أنه شر البلية ما يضحك.

  2. Rami Says:

    اشكر لك مرورك أخي ياسر

  3. وفاء Says:

    جميلة جدأ جداً أخ رامي وبتفقع من الضحك كان لازم ينعمل عليها حلقة مرايا.
    على فكرة ذكرتني هالفقرة بقصة من سنة ونصف صادف إني مريت من جانب وكالة سانا ليلاً كانت الآرمة الكهربائية الموضوعة فوق الوكالة مكتوب عليها بالخط العريض “وكالة سانا للأنباء” ،بقيت فترة شي شهر واللمبة الخاصة بكلمة الأنباء مطفأة شكلها كانت خربانة، يعني كنت تشوف بس كلمة وكالة سانا. يمكن كانت هيك أزبط بدون كلمة أنباء.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: