يواجه مسؤولوا التقنية في كل بقاع الأرض مشاكل تتراوح من بسيطة مكررة سهلة الحل إلى تلك المعقدة العصية، منها ما يحمل معه أموراً تغرقك في ساعات من الضحك وأخرى تفقدك أعصابك وصوابك.
بعد هذه الرحلة الطويلة مع صديقي الأول “الكومبيوتر” تبقى المشكلة التي لم أستطع حلها هي تلك التي تقبع بين لوحة المفاتيح وكرسي المكتب، ومن مذكراتي في الدعم التقني اورد لكم تباعاً بعذاً مما مر فيها.
الأولى
(بعد أن حجزت سيرفراً للبريد الرسمي في الشركة قمت بإلغاء حسابات بريدية لفروع الشركة في المحافظات على Gmail مقابل فتح حسابات بريدية لهم على عنوان الشركة وباستخدام برنامج outlook وكان هذا الحديث مع فرع حمص على الهاتف إثر التعديل الجديد)
حسام: مرحبا رامي
رامي: أهلين
حسام: رامي، عم تطلعلي مشكلة بالإيميل ما عم يستقبل ولا يرسل عم تطلع رسالة خطأ
رامي: شو الرسالة
حسام: مابعرف بالأجنبي
رامي : طيب نادي لمحمود يقرالك ياها
محمود: أيوا رامي
رامي : محمود قرالي الرسالة
محمود : كونيكشن تو ذا سيرفر هاز فيلد
رامي : طيب أنتو متصلين على آية ولا 190
محمود : كيف يعني
رامي : 190 ولا 198111
محمود : نحنا مانا متصلين هلق ، عم نحكي معك من الخط المخصص للانترنت والفاكس
رامي : طيب لما كنتوا عم تحاولوا كنتوا فايتين على أي خط
محمود : دقيقة لأسأل حسام ، حسام على أي خط نحنا كنا فايتين
حسام (من بعيد): آآآآه ، نسيت ، كنت مفكر بس بريد ال gmail بده اتصال بالانترنت
رامي : 
الأوسمة: مستخدم, مشكلة تقع بين لوحة المفاتيح والكرسي, بريد
مارس 10, 2009 عند 4:00 ص |
مارس 10, 2009 عند 4:14 ص |
لاشيء، إن كنت قد فكرت بالعمل بمجال الصيانة أو الدعم التقني ، عليك بشراء جهاز قياس ضغط الدم، أستطيع نصحك بواحد ممتاز أجنبي
مارس 10, 2009 عند 11:23 ص |
إن كنت تفكر بالعمل بمجال الصيانة أو الدعم التقني فعليك ان تفكر كيف سيفكر الزبون في حال انه لاسمح الله فكر؟
صحيح ولا انا غلطان؟
مارس 10, 2009 عند 6:32 م |
تماماً، هذا التساؤل يغزو كل فترة تصميمي لبرنامج ما يخص العمل، خاصة إن كنت أدرك تماماً الموظف الذي سيقوم باستثماره.
تحياتي
مارس 14, 2009 عند 11:44 ص |
الحمد الله على سلامتك
مارس 14, 2009 عند 1:25 م |
موظفي الدعم ، يمرون بمشاكل عديدة جراء طبيعة عملهم، تبدأ بالأرق ، ثم بصداع غير محدد السبب ، وبعد فترة تظهر أعراض فصام شخصية ورهاب الهاتف، ومن ثم تجدهم يتحدثون لأنفسهم ، وفي النهاية إن وجدت شخصاً رث الثياب وأشعث في الشارع يركض وهو يصرخ ضاحكاً تارة ، وباكياً تارة أخرى ، اعلم أن له تاريخاً في هذه المصلحة
أبريل 7, 2009 عند 3:08 م |
[...] مشكلة تقع بين لوحة المفاتيح والكرسي 1 : الجزء الأول من سلسلة كوابيس التقنية التي وقعت فيها ضحية لمشكلة تتواجد بين لوحة المفاتيح والكرسي [...]
اغسطس 29, 2009 عند 4:54 م |
خخخخخخخخخخ ….. أشم رائحة دخان الغضب يتصاعد هنا …. التقنية عندنا في سوريا بنعيم
اغسطس 30, 2009 عند 2:26 ص |
نعم، في بعض الأحيان المعرفة نقمة.
اغسطس 31, 2009 عند 3:23 ص |
ههههههههههه .. ﻷ عطاالله .. ريحة الدخان ﻷنو الموظف اللي كان عم يحكي مع رامي شغل مخه شوي فبلش يحرق …. لك يحرء حريشه ……
مشتهي تصير معي هيك مواقف …
سبتمبر 5, 2009 عند 2:56 م |
جاييتك الأيام لا تستعجل ، تحياتي
سبتمبر 5, 2009 عند 11:08 ص |
يا رجل حرام عليك فضحت الزلمة
سبتمبر 5, 2009 عند 2:57 م |
أغلب الذين أكتب عنهم أعلمهم بأني سأكتب عنهم، والبعض يسبقني إلى عبارة “مابدي شوفها بكرة بمشكلة تقع بين لوحة المفاتيح والكرسي”
أهلاً بك بشر
سبتمبر 22, 2009 عند 2:32 م |
هههههههههههههه, ذكرتني باللي بده يتدفى ع الصوبية ولما عجز قام شغلها
سبتمبر 22, 2009 عند 6:27 م |
أشكر مرورك
يناير 30, 2010 عند 1:31 م |
[...] – مشكلة تقع بين لوحة المفاتيح والكرسي 1 : Gmail أوفلاين في ح… [...]
أكتوبر 31, 2010 عند 12:26 م |
[...] مشكلة تقع بين لوحة المفاتيح والكرسي [...]
أبريل 5, 2011 عند 4:16 م |
والله ضحكتني
من قلبي
روق وطول بالك ولا يرتفع ضغطك
رفيقتي قالتلي ابعتيلي ايميلات
منيح بتعرف انو في شي اسمو ايميلات
قلتلا لوين ؟
قالت على الانتر نت
قلتلا طيب بس شو عنوان ايميلك ؟
قال ما بعرف ؟
قلتلا عندك ايميل ؟
قال شو يعني ايميل ؟
فهمتا معنى ايميل ؟
قال يعني لازم واحد يكون عندو ايميل ؟؟
بقى لا يرتفع ضغطك
بنصحك تعتزل هالشغلة بمجتمعنا
كم سنة بس لبيت ما يتطوروا شوي
حلوة كثير مع اني قرأتا من قبل
بس كل ما قرأتا بضحك